Vir aandag: Noeline Loubser en Henry Potgieter

Goeiemiddag

Ek het onlangs ‘n nuwe Toyota Fortuner by Bennie Kriel van Ermelo Toyota gekoop en wil hom maar net graag komplimenteer vir die uitstekende diens wat ek by hom gekry het. Bennie het vroeg in Junie vir my ‘n kwotasie deurgestuur waarna ek besluit het om Saterdag die 12de Junie vanaf Pretoria deur te ry Ermelo toe om hom te gaan ontmoet. Hy het toe ook vir my gesê dat hy nie tans ‘n Toyota Fortuner in voorraad gehad het nie, en die vroegste wat hy my kan help met een, was eers die 5de Julie. Hy het nogtans gesê hy sal kyk wat hy kan doen. Die volgende moet ook genoem word:

* Maandag, die 14de Junie het hy my laat weet dat hy een vir my
gekry het in die kleur wat ek graag wou gehad het. (Net 2 dae later!)

* Ek was baie verbaas dat hy dit so gou vir my kon kry en was
aangenaam verras.

* Dit is ‘n geval van “under promise en over deliver”

* Bennie het ook voortdurend met my gekommunikeer en my op hoogte
gehou van die stand van sake.

* Alles het net seepglad verloop en is baie dankbaar daarvoor!

* Hy was professioneel, vriendelik en baie hulpvaardig.

Bennie verdien defnitief ‘n groot kompliment hiervoor en die diens wat ek by hom en Ermelo Toyota gekry het was UITSTEKEND!

Ons werk ook in ‘n industrie waar kliente-diens baie belangrik is, so ek voel dat as iemand erkenning verdien, dan moet daar melding van gemaak word.

Ek sal defnitief in die toekoms voornemende kliente na Ermelo Toyota verwys!

Nogmaals baie dankie en groete.

Wilhelm Roux

Beste Jimmy

'n Reuse dankie vir al jul onvoorwaarlike hulp en bystand met die afgelope media bekenstelling van die Yamaha XT1200Z/Super Tenere.

Dit was 'n voorreg om jul handelaarskap se mense en gees te beleef. Indien ek 'n Toyota eienaar was sou ek maklik 'n veskoning soek om my voertuig by julle te diens! Hou so aan!

Weereens baie dankie en ek hoop julle het 'n suksesvolle Rally agter die rug,

Groete
Fred van Niekerk
Yamaha Distributors South Africa

Haai Noeline,
Gun my asseblief die geleentheid om na my onlangse voertuig inruil en aankoop transaksie by Ermelo TOYOTA my diens ondervinding met jou te deel.
Danie
Die spreekwoord sê mos, “eerste indrukke hou”. Van die begin af het ek as kliënt welkom gevoel en was ek met die nodige respek en op ‘n uiters professionele manier hanteer. Die feite wat ek benodig het was akkuraat aan my deur gegee. Alle dokumentasie was vinnig en effektief hanteer en deur gevoer. Voorbereiding van die nuwe voertuig voor oorhandiging aan my was baie goed gedoen en Danie het my deurentyd op hoogte gehou met die vordering.

Flippie
Hy was altyd daar met die nodige ondersteuning en ken die agtergrond van die voertuie. Ek het ook gevoel dat die prys soos vir my voertuig aangebied, billik was. Informasie wat ek deurentyd ontvang het was bevestig deur Flippie en dit het my die gemoedsrus gegee wat ek wou hê.
Flippie is absoluut ‘n aanwins vir die maatskappy deurdat hy altyd bereid is om te luister, te help en die nodige ondersteuning te gee soos benodig word.
Carol
Sy laat jou (kliënt en werks kollegas) altyd voel asof jy die belangrikste persoon in die wêreld is. Sy het (ek glo) die beste transaksie vir my onderhandel en bymekaar gesit. Sy het ook verseker dat ek die selfde diens van die versekerings maatskappy ontvang. Van die begin tot die einde was alles weereens vinnig, akkuraat en professioneel hanteer.

Ek is ‘n UITERS tevrede klient met die diens en produk wat ek ontvang het. Ek sal nie vir een oomblik aarsel om ‘n potensiële kliënt na jou verkoopspan te verwys nie.

Baie dankie vir die geleentheid.

Groete,

Pieter van Dyk
General Manager
Ermelo TOYOTA Total

Koos

Ek handhaaf op die oomblik ‘n ongelooflike pas en eintlik wou ek al lankal na jou toe teruggekom het, maar dit was nog net nie moontlik.

Jy het soveel moeite gedoen om te sien dat my kwotasie hersien word en my voertuig binne ‘n rekord tyd herstel word. Ek wil jou graag bedank vir die vriendelike en uiters bekwame manier waarop jy die situasie hanteer het. Sedert jy beheer daarvan oorgeneem het, het ek nie vir ‘n oomblik gewonder waar julle staan nie. Jy het my deurentyd op hoogte gehou.

Sedert ek my voertuig teruggekry het, het ek reeds twee keer Nigel toe en een maal Bethal toe gery en ek het geen probleme ondervind nie.

Weereens, ‘n hartlike dankie! Hierdie is mos die soort kliëntediens wat ek van Ermelo Toyota ken.

Vriendelike groete

Elize Johnstone
GROUP SAFETY OFFICER
Food Safety Team Leader - Ermelo

Hallo

Ek is ‘n kontrakteur by Xstrata en is verantwoordelik vir die grondwater monitering. Ek ry heeldag in die veld rond en neem water monsters, daarom kan ek nie sonder my bakkie werk nie. Tyd is ook ‘n groot faktor aangesien ek elf myne maandeliks moet monitor.

Die laaste twee maande het ek drie keer probleme met my bakkie ondervind. Ek is na julle dienssentrum waar ek elke keer  dadelik deur Heinrich en Johan gehelp is sonder om te wag. Ek kon vinnig weer met my werk aangaan.

Sulke diens kry mens nie aldag nie, baie dankie.

 Groete

Roelf van Rooyen - 6 Desember 2009